معالجة نفسية مؤهلة من معهد أدلر وصاحبة لقب ثاني (M.Ed)
هويتي المهنية انصقلت خلال 16 سنة من الخبرة الميدانية،
بس الأهم من هيك...
إنها انبنت من قصتي الشخصية مع الفقدان العميق اللي عاشته عيلتي.
أنا ولدت ببيت واجه خسارات متتالية،
وكبرت بين حزن ما كان حدا يعالجه،
بس كان لازم نكمل ونعيش.

هاي الظروف علمتني من وأنا صغيرة أسمع للي ما بنقال،
وأنتبه للمشاعر المخبية ورا السكوت.

عشان هيك،
اختياري أكون معالجة كان اختيار واعي
إني أحوّل هالتجربة لمصدر فهم ومسؤولية.

هاد الدمج بيسمح لي أقدم نهج علاجي حسّاس لثقافتنا بمجتمعنا العربي،
بهدف بناء حصانة نفسية داخل العيلة من غير ما الفرد يضيع هويته.